Iron Man 1

因要去看IRON MAN 2的關係, 未看過第一集的我, 依照男友的"看電影"原則, 也得看看:)
本身對這些動作及少少科幻片沒啥興趣, 但這次有人好想睇, 加上第2集又有女神Scarlett Johansson作女配角! 於是就等緊時間抽空去睇啦:)


男主角被TEN RINGS"綁架", 強迫製作武器後, 成功利用IRON MAN之身衝出防線, 突圍成功。
更令佢深深反思, 明白到公司製造武器到底有咩真正意義?
回來後180度轉變, 要做番D"正義"既事。

再研製新既IRON MAN!
令我諗起之前IS讀既AUGMENTED REALITY。

一如其他電影一樣, 少不了來個正邪大對戰!
唔洗講啦! 當然邪不能勝正啦!
這場混戰頗具趣味性!

不暴力不算太多動作, 有緊湊同FUNNY位!
與女助女有少少感情線仍點綴, 期待看IRON MAN 2!!

汽水鋁罐藝術品展

舉重動作的! 好可愛啊:D


看他的口, 真有心思! 還壓上了眼睛和面上的雀斑~~

還可掛起來作時鐘~~嘀嗒嘀嗒...



不同的造型~~
不知道道那裙子, 是怎樣把鋁罐切得這麼整齊呢?

照明的燈, 可當書桌燈!


上星期在科大的展覽廳展出的, 都是鋁罐藝藝家的作品。
沒想到原來鋁罐也可以作為物料, 除了環保回收外, 更可作時鐘, 照明用途等的擺設!
真配服藝術家的心思, 他隨了會搜集和儲藏各特別版的汽水罐, 還會動手把他們變為一件一件實用的物品!

如果香港也有更多人從事"廢物"的創作, 又有更多展覽讓人認識的話, 那定必令其他創作藝術家多加認識, 說不能會變成另一種熱賣又入流的家具品!

目送 - 龍應台

還是第一次認真的讀龍應台的書。

買了<目送>、<親愛的安德烈>和<大江大海>，最先想讀的算是這本。
全本也是散文，感覺上較易讀。
讀下去，很喜歡她的文字，不淺白不艱深，字裏行間流露出她那真摯的感情，讓我也讀得很投入。有幾篇讀到差點要哭。

最喜歡的幾篇是：

1. （不）相信

過了人生的幾十年，到底有什麼體會？有什麼開始懂了，又有什麼不再相信？
愛國、歷史的編造、理想主義、愛情等等……

最喜歡的一段－「曾經相信過愛情，後來知道，原來愛情必須轉化為親情才可能持久，但是轉化為親情的愛情，猶如化入杯水中的冰塊－－它還是那玲瓏剔透的冰塊嗎？」

「曾經相信過海枯石爛作為永恆不滅的表徵，後來知道，原來海其實很容易枯，石，原來很容易爛。雨水，很可能不再來，滄海，不會再成桑田。原來，自己腳下所踩的星球，很容易被毀滅。海枯石爛的永恆，原來不存在。」


2. 寒色

「很多，沒多久就散了，因為人會變，生活會變，家，也跟著變質。」
說多是「家」，怎樣才算是個家？有爸媽在就算是家嗎？
人生很多不同階段，同居結婚，立的又是另一個家。
從小看著你長大的爸媽，曾有著這麼溫暖的一個家，兒子長大了，有毛有翼的飛走了，剩下的，還算是個家嗎？

很感觸，現實就是這樣充滿變化。
人來人往，看似這都是必要的，人人也要經歷的。
長大後很想好好地對待父母，讓他們感到子女在旁，溫暖窩心的感覺。
但，長大後卻各有目標，放在第一位的是什麼，又冷落了些什麼。

就像是個不可能改變的定律。


3. 時間

時間怎樣量？看著時鐘上秒針和時針的轉動，就是這樣數算著時間嗎？
時間悄悄地走過，卻遺留下痕跡。

房子殘破不堪的屋簷、星星的閃動、煙火劃破夜空…

也許，連我們身上的經歷，長多了的贅肉，慢慢變化的心境，都可以算作為時間。


4. 女人

這篇是講她媽媽的，八十歲的老婦走在街上，發現，原來世界都遺棄了她。
身邊好友、伴侶全都走了，走到街上，賣的看的都不合適。
似是整個世界就是容她不下，沒有丁點的地方可容得下她。

可悲，可悲。難道老了就是這樣嗎？
開始想到我的媽媽，過到廿多年，作為女兒的要怎樣看待她？



特別喜歡最後的幾篇，說的都是老爸和老媽。
怎樣花時間溝通，他們的行為，老化的問題等等。
還是需要用很多時間，精神和心機去了解一下他們。
看過了這書後，頓感到龍應台是一為好女兒，好母親。

自己也作了不少反思。

兩則小事

還得記下兩則小事。

第一件事:
上星期從科大番家, 慣常地和男友一同離開。
坐過了小巴後在坑口上地鐵，還在搭扶手電梯時，我已聽到快要關門的「嘟嘟嘟嘟」響聲。
一個箭步衝進地鐵車廂裏，生怕下下一班車要等很久。
結果，我在將要關門的一刻成功地衝進車廂裏去；男友上不到，還在月台。

嘩還是第一次跟人家月台上分開。
隔著兩塊玻璃看著熟悉的面孔，那依依不捨和失望的表情，隨著列車加速行駛，慢慢地都看不見了。
最後，我還是坐了一個站到將軍澳，在月台等候，上了他乘坐的下一班列車。

他說：「那麼心急幹麻，最後還是要等，和我坐同一班車。」
他還說：「不知道將來，會否就像搭地鐵一樣，各人有各自的目標，搭上不同的列車，從此就分開了，各散東西。」

覺得這個比喻很有詩意，所以要記下。


第二件事：
上星期二到坑口吃晚飯。搭小巴時看見鄰座的男孩在拿相機不斷的拍，從小巴內拍出去。
那咔嚓的聲音很清脆，他用第一步拍完後，又在袋裏拿出了第二部在拍。

拍過後他還在手動捲菲林，我意識到那是菲林機，於是，我和他搭訕。
原來他不是學生，之前讀攝影，那手動機二手價只是四百元，還可配不同鏡頭。
加了ART FILTER、自行塗了LOTTON在邊玩BLUR、自行在家玩HDR、最近嘗試E沖C。

哈哈我也說了些自己玩LOMO的經驗，能在車上碰到菲林機朋友，還是有時間去慢慢嘗試的，真好玩！

懶惰到不行

懶到死！我指寫BLOG。

居然有成一星期無寫過, 雖然有篇書評仲係草稿中。
前幾天忙LANG既PRESENT, 終於完啦!
今日有2個JOB INTERVIEW, 又要忙PREPARE。

搭出去見一份, 又搭番黎, 又搭出去, 居然見左3粒鐘!
最後連MARK242都無上到, 淨係搭車番去番STUDENT HELPER, 又番屋企!

就是整天在遊車河。

呼...係時候要努力做PROJ, 同埋可怕的IS DATABASE, 要寫SCRIPT啦 >_<

愛是永恆

港女問題 的最後一段　P.121
唯一一種特性是香港男女皆擁有的－－一個普遍屬於香港人的特性－沒有安全感。實在沒有辦法，香港由殖民地邁進後殖民地，不安感成為港人色彩，社會價值講求的是名與利，愈是不安，愈見分清你我；這種特點，男女有不同的表現方法，有人愈來愈挑剔，變得思前想後，有人愈來愈氣餒，或愈來愈斤斤計較，兩性皆沒有投放感情的勇氣，害怕將來、寄怕蝕底、害怕失去、害怕受騙……
到最後，害怕對方。

告Mid-term一段落。

好野! 等我畫個。先!

終於考曬果"7"大個mid-term!!!
不過好可惜, 到4月尾就到MARK 242既"FINAL", 亦即係最後一個QUIZ LU!
雖然好似告一段落, 但其實仲有好鬼死多既PRESENT, 同埋都要加油努力做各科既FINAL PROJECT!

今日CONCOURSE商務搞書展...好多都有平:)
本身想買卓韻芝不過最後都放低左...
最後買左龍應台既<<目送>>
第一次接觸龍應台既文章應該係中六~~
因為中化既老師要我地睇佢既文章, 話對中文同政治要有認識!
仲記得佢文筆好好, 寫政治時語帶嘲諷, 但又唔會話文辭過深。

入到大學後, 中文水平好似每況愈下=-=!
可能少寫少睇啦...唉!
所以要買番本有少少文學性質既書慢慢睇, 重溫番D詞彙, 修辭~~
不過, 我都好鐘意龍小姐既文字, 好有感情, 好真摯!

A little bit less than Brownie

其實這個蛋糕之前已經整過一次, 今次再寫寫。

平時食既BROWNIE有太多種, 有D 好CREAMY, 有D則比較乾身。
RECIPE都係朱古力, 麵粉, 蛋, 糖, 可可粉, 只不過蛋唔需要太打起, 以營造果種THINK既口感。

今次特地唔加麵粉, 令朱古力更濃身!

食譜:
黑朱古力(55%) 100G
蛋 2隻
糖霜 40G
可可粉 20G
牛油30G
果仁 適量

做法:
(1) 先以150度烘果仁5分鐘, 備用。
(2) 預熱170度。
(3) 熔掉牛油同朱古力, 將兩者拌勻, 加入可可粉, 再拌。
(4) 蛋加糖略略打發, 加入(3)
(5) 果仁可放在麵頭作裝飾, 或放進(4)一併倒進焗模。
(6) 以170度焗約40-50分鐘。

出爐後可以牙籤測試是否熟透, 應是少少濕的, 如太乾則焗過龍。
果仁放蛋糕面會比較易焗"LON", 可以放鍚紙係面避避上火, 仲防止到蛋糕面爆裂!

果仁份量隨意啦, 我見屋企食淨左D杏仁同合桃就放左入去:)


相片影得暗左, 其實個蛋糕係深啡色:D

紮染

買了很久, 想寫好耐, 今日終於醒番起要寫:)

紮染LEGGING在上季十分HIT, 基乎出親街都會見到有姐姐著, 網上又熱賣。
唔止LEGGING, 連紮染TEE都被日本時裝雜誌所追捧, 不少日牌均推出ONE-PIECE款或長身TEE來分一杯羹。

第一次接觸紮染這東東應算是小學時代。
還記得有一期唔知點解好興紮染, 我跟媽媽去買衫, 街市個嬸嬸話好興呀買件黎著下。
果時果D檔頭可以揀自己鐘意既PRINT 即場同你印上去~
所以我有2件, 1件紫底黃色熊啤啤, 另外1件係天藍色既。

第一個印象係覺得紮染真係好特別, 嘩件件D PATTERN, 深淺色都唔同既認真盞鬼!
後來問媽媽先知, 原來件衫真係"紮"住咁"染", 件件唔同咁"紮", 自然就唔同色啦!
好手工民藝TAILOR-MADE FEEL!
但後來過左一排就OUT左LU!

過左成十年又興番, 仲要興落對腳度, 我都真係有D估佢唔到!
E對就係我係COTTON ON用$49買番黎既LEGGING...
我同佢一見如故, 被佢既色水吸引住我, 我覺得佢既顏色好細膩, 紋路好似用水彩畫出黎咁...
真係非常特別! 所以就買左番黎! 不過係要黎欣賞唔係著架!

可能你會視佢為一件FASHION ITEM, 但我則覺得佢係一件藝術品。
一件與別不同, 用左特別技巧去染製既布料, 顏色, 變化, 形狀, 真係好吸引到我買佢番黎收藏!

三色雪球 (綠茶, 朱古力, 咖啡)

早幾天試做了雪球, 其實是類似曲奇的小甜餅, 但加入了杏仁粉, 而且比較厚身, 口感也比普通的曲奇不一樣。
食譜參考 Vanlily 的, 但私自作了少許更改, 還做了些咖啡味的!

材料如下:
牛油 60g
杏仁粉 34g
低筋麵粉 66g
糖霜 20g (咖啡味: 減至10g)
鹽 少許
抹茶粉 8g/ 可可粉 10g/ 即溶三合一咖啡粉 20g

(1) 牛油室溫放軟, 放鹽和糖霜一起拌勻
(2) 加入已過篩的杏仁粉
(3) 加入已過篩的麵粉和抹茶/可可/咖啡粉 (先和麵粉拌勻, 然後才加入麵團)
(4) 放冰格雪半小時
(5) 搓成8g 一粒, 170度焗15-20分鐘


很多不同顏色...有點像雞蛋仔:p


入爐前的一粒粒波波, 很可愛!


出爐後!


朋友都比較喜歡咖啡味... 可能比較重味。
抹茶粉的份量下次要加多一點, 因為入口味道較淡, 比了下去!

Alice in the Wonderland (2010)

上左畫都一段時間, 復活節假期終於得閒去睇LU! 好彩仲未落!
本身對佢既期望同興趣都唔太大, 所以以平常心去睇...純粹去ADVENTURE下!

睇左3D板...但其實我覺得E套戲3 唔3D都差唔多, 只係D字幕特別"突出", 同埋有野飛埋黎, 跌落山洞比較3D
其他時間我都什少帶3D眼鏡, 因為帶住黎睇個畫面會暗好多.

童話故事細個就聽得多, 但以佢為電影藍圖都幾特別!
整套劇情節唔算刺激, 起伏亦唔大...有D場面都幾搞鬼TIM!
好似孖生肥仔, 隱形貓同兔仔咁! ED動物識講野好可愛!

White Queen (Anne Hathaway飾)好靚女...
Alice (Mia Wasikowska飾) 真係好YOUNG, 同埋演技自然, 樣貌方面亦無咩添加, 好青春! 翻查wiki先知原來佢同我同年! 哈哈!

Mad Hatter (Johnny Depp飾) 造型真係好百變, 有少少感情戲, 神情生鬼, 非常之impressive!
至於Red Queen (Helena Bonham Carter飾) ... 原來佢都有係harry potter做過架! 真係唔認得!

總括黎講無咩特別印象同啟發...只係覺得而家嘜野都話3D...
諗番起AVATOR...真係無得比!

Think

今天看電影前走了上 "THINK" COFFEESHOP...
其實都是早前在OPENRICE上看到的好評吸引了我, 有書, 有咖啡, 又坐得舒服!

上到去, 果然有幾個大大既書架放滿曬書...
亦都有好多唔同種類既枱櫈, 有D人係度開會做PROJECT, 溫書既都有...都有唔少客!
老板好NICE, 好有禮貌, 不過見到佢一個人做到踢曬腳!


我地被安排坐對正窗口既位...居高臨下, 望正樓下好繁忙既駱克道...
平日我地匆匆忙忙咁係下面衝過馬路, 今日竟然係上面舒舒服服咁歎咖啡...
WHAT A BIG CONTRAST!


因為我地2個都未食LUNCH既關係, 所以叫左飛碟食...
份量唔算多, 其實都係當做小食, 老板話其實下次可以買野上黎食, 哈哈!

飲品方面, 新開張仲係做緊每位$50 任飲.
有咖啡, 花茶, SOFT DRINK揀, 我TOTAL飲左3杯, IRISH, VANILLA, ROSE.
SYRUP唔算太甜, 咖啡味濃, ROSE LATTE入面仲有幾塊花瓣, 好有驚喜!
不過奶泡打得唔算細滑... 當然唔可以同做咖啡出曬名既COFFEESHOP比啦, 總括黎講都算滿意:)

唔夠飽仲要左個CAKE...原來D CAKE全部都係HOMEMADE...
ORDER時仲俾我見到岩岩送CAKE上黎既小姐, 係度介紹入面係咩 INGREDIENT!

臨走老板仲俾卡片, 叫我地下次可以上黎前打電話CONFIRM有無位...
真係好NICE, 而且環境都幾舒服唔算嘈, 值得再黎!

長洲三小時。

襯4月1號仲未放紅假特地走入長洲, 點知都係好多人...好多中學生...
去海邊行左一轉...好多人玩緊閃避球, 自從中學後都無玩過咯!

兜左個轉又番番碼頭一帶...勁食魚蛋!

隨處拍...見到咸魚都影一餐XD

好可愛既鐵閘, 畫滿曬唔通公仔:)

好快已經發覺無咩野行, 又唔想係度食晚餐...
今日實在太多人, 連師妹甜品都無得食...
所以留左三粒鐘又搭番船出左LU! :(