博客一直擱置下來, 其實有好多題材想寫但又無"執筆"!
先講D近期D既先。
近日有關「科技大學於QS排名亞洲第一」的新聞, 實在係令好多科大人及上上下下各職員為之振奮。
有關報道登上新聞, 同學紛紛於FACEBOOK "SHARE"此好消息;
連學校都即刻快快手UPLOAD上FACEBOOK FANS PAGE, 即日極其興奮地出埋President's Newsletter, 連學校既E-board都出現有關標題報導。
改GPA學校制又唔見你SEND EMAIL黎"通知", 一有巴閉野就鬼咁積極; 不過無他既, 開心既事就緊係值得大事宣揚一番, 而各部門快速執行命令亦可反映學校有幾重視, 果然係一間好強既PR FIRM!
講番關於果個「亞洲第一」先, 主要係比較亞洲各院校表現, 例如係研究既質量, 國際化等等。
當然, 所謂「排名」就都係數字遊戲, 將各樣表現變成分數, 再黎同其他院校比較分高低。
可惜既係, 「數字」、「排名」又代表D咩呢?
濫用排名、數字等資料作為指標去反映學校表現係存在誤導性; 而直接信以為真去作出揀大學既選擇亦係危險既。
到底「排名」係D什麼一回事大家又有無知得清楚? 就以上一年「科大市場學系位列全球第3」一事令各MARKETING MAJOR同學雀躍一事, 又有無人知其實原來排名係計Research既Quantity同Quality?原來係上年有幾位Department同事勁出Journal以致獲得此佳績?
當然係鄧佢開心, 但當拎黎以為自己係好威或轁光時, 就好容易唔覺意變得自滿同驕傲。
你同我講排名第一, 身為學生既我緊係開心。但以自己係科大3年既讀書/宿舍生活, 就簡直係對科大又愛又恨。
先講上堂讀書方面:
讀year1時真係好憎番學, 唔習慣上堂模式, 讀d foundation又勁多數計又難, professor好多來自內地 佢地D英文你真係要好用心去聽...
唔喜歡成日有好多Presentation coursework要交好chur, 大學同學唔會學得你中學咁首望相助
第一年真係讀得好唔開心 好自怨自艾, 好無助, 點解讀極都係爛grade, 覺得黎緊2年都係咁黑暗兼無望。
漸漸發覺, 其實機會永遠都係度, 只係自己唔去珍惜或主動。
Professor會熱心答你野, 如果你會send email/ 約去office問;
雖然有D堂主觀地覺得無用, 但都要去上堂坐係度等professor認得你;
漸漸發現某D professor教開MBA既成日會有好多野分享, 好學到野;
真係走堂既話要同professor講, 如果唔係會有bad impression;
努力D讀書考好D成績, 有其他問題professor都會幫手。
科大 - 就是這樣的一個地方。
從來唔會有人教你學行學走, 所有野都要自己掌握係手。
凡事要主動, 事事自己爭取, 慢人一步都會輸蝕少少。
老實說, 我唔會話覺得入到黎科大拎走左D咩實質既野走, 當然有個「科大」既名。
最感受深刻都係社會有幾現實, 點樣訓練到我地個個都smart d, aggressive d, 此為最大得著。
至於宿舍生活/ 課外活動, 可說是沒有。
住宿舍呢就真係住架姐。唔好同HKU既HALL LIFE比因為根本係無得比。
學校處處都有管制, HALL莊搞既活動呀, 夜晚10點就有看更CHECK証呀, 從來都無咩flexibility。
讀書壓力已夠曬辛苦, 仲邊咁得閒玩? 所以一直好佩服上HALL莊既人既辛酸, 又要搞活動受管理層壓迫, 同學又唔太積極參與去玩。
課外活動如上莊, 學校都唔太積極鼓勵。
已聽過無數上莊同學話搞活動又諸多制肘, 唔批場唔批器材, 痴張POSTER係度都要申請一輪。
之不過, 如果你係參加學校/商學院搞既活動呢, 就緊係多加支持啦!!
總又言之, 都係讀書佔大部份時間...同HKU HALL LIFE佔大部份時間完全相反。
總括而言, 唔好因「排名」、「名利」沖薰頭腦。
揀一間適合自己既大學, 最緊要讀得開心, 大大話話都要係度成3年...
若大學係要為中學生作出涵接既教育以適應社會生活, 科大的而且確嬴左...因為你會學到世界既現實, 培養你事事準備充足, 努力主動爭取既本性。
但若講求學到做人道理, 快樂既經歷及回憶 - Sorry that's not your cup of tea.
