睇左好多套但都無寫, 但琴晚睇完BLACK SWAN就一定要寫!
入去睇之前已經大約知道故仔內容係D咩, 但當然入到去睇時亦有被部份情節嚇親, 好似係無神神係浴缸滴血、前台柱突然用刀令自己毀容等。
好多人都話套戲色情, 恐怖, 或者睇完會憂鬱, 覺得主角太神經錯亂等;
但這一切一切都係我既接受範圍之內, 亦唔覺得這套戲係渲染色情或暴力。
整套戲都好symbolic, 驚嚇既畫面, 色情既情節等都係導演刻意加插去表達故事及劇情。
起初既nina受住媽媽管教, 純情乖乖女一名, 名乎其實的white swan。
一路受住媽媽既控制及管教, 加上自己亦想成為the swan queen, 已經開始變得神經質及思覺失調。
如出現幻覺, 鏡中見到無限個自己, 嘔吐等, 都係想將自己push去做一隻black swan。
就係因為選角前舞團監製同nina kiss時竟然俾佢反咬咀唇一啖, 令監製覺得佢既舉動係可以seduce佢, 而揀選佢成為swan queen (play both white and black swan)。
而係及後既練習, lily同監製都不斷希望同迫佢搵出自己既陰暗面, 鼓勵佢touch yourself或帶佢去酒吧放蹤; nina亦愈黎愈唔鐘意俾媽媽控制既生活, 但亦見到佢既精神狀況愈黎愈嚴重, 到最後殺死左自己。
好切實地反映出藝術家都係有"Be perfect"既精神, 希望自己投入落唔同角色而努力幻想, 找出自己人性既其他面。但若抽離唔到又或壓力太大, 就會落入此下場。
其實由頭到尾nina都係nina, 如何扭曲人性都只是因為ending的一句"It's Perfect. I felt it."
在整個過程中真實地感受到evil, seduce, 而跳活了black swan。
