自小媽媽總在任何事上take care我。
一日幾餐, 帶我番學放學, 洗衫熨衫, 陪我一齊做功課睇功課, 溫習默書。
依稀記得每日放學後, 佢都會等我食完下午茶, 就同我係書包一齊拎曬D功課,一樣一樣做。
我一直做功課, 佢就一直坐係我隔離望住我 (雖然咁講好似係佢嚴密監視我要做完功課咁, 但事實上卻係佢一直會花時間陪住我做每一個step。)
做曬果日既功課就要逐一俾媽媽檢查, 如果係做copy book/ 抄詞語生字, 佢就會每個字check到底我筆劃寫得岩唔岩, 夠唔夠整齊。唔合規格既就會俾佢拎擦子膠擦曬, 然後遞番俾我用鉛筆「填窿窿」。每次我都會以央求既眼神望住佢, 希望佢手下留情唔好擦走我咁多字, 唔想再係咁重新寫過;(
測驗考試時除左每朝起身(按: 小學時是修讀下午班) 同我溫書外, 亦會同我一齊執齊曬考試要帶既野。邊日要帶木顏色?帶多舊擦膠啦(每次考試前佢會同我去文具舖買多十蚊4舊)。
就連鉛筆都要帶十枝(因為初小時都未係好興鉛芯筆的)。 支支中華牌同我刨到尖一尖, 刨完仲要每支筆都幫我用紙再磨尖筆頭 (側側地將筆芯磨向紙張可令筆峰更銳利)。
此情此景, 今天依然歷歷在目, 令到我感動到有D眼濕濕。
實在慨嘆母愛是何等偉大, 雖然兒時成日覺得好囉疏, 但媽媽既照顧卻係幾咁無微不至。
我在幻想如果我將來都會有自己既仔仔女女, 我又會唔會好似以前媽媽對我一樣, 能夠係每事上都咁體貼關懷到自己仔女呢? 只可以說十年後鉛筆/鉛芯筆都唔知消失左未。
