凡電影片名中有"巴黎"一詞都會入戲院睇既我, 都算是一位不折不扣的「巴黎迷」。
本身自己好鐘意巴黎e個地方既人、事物、生活態度, 但更想睇下到底係唔同導演編劇下, 可以係巴黎發生既又可以係點既故事...
可以話套戲算係一部小品, 帶少少幽默, 令人充滿幻想既故事情節, 睇得舒服自然。
最高興既係主角走上一部古董驕車後, 走進1920年代既巴黎...
街燈伶立, 路邊既小檔攤, 歌舞昇平吞雲吐霧既影像, 從來只會係相片中見到, 有著一種好懷舊既感覺。
Woody Ellen將全部既景象一一展現係觀眾眼前, 懷舊得黎卻不失真實感, 令到我都睇得好如痴如醉。
正如女主角話每人都有一個golden age, 常常嚮往有好既生活能夠生於好既世代, 或者正如男主角外父所講我地有恐懼/不敢面對現實既政狀。
自問中學時成日都會覺得自己唔適合住係香港; 每每見到巴黎街道既照片都會浮起一絲感動...
雖然都去過巴黎兩轉, 但始終都係念念不忘好想再番去。正如電影裏男主角喜歡巴黎既原因, 都係佢有著既文化氣息, 街道, CAFE, 等等。喜歡散步慢慢感受, 欣賞及發掘e個城市, 調慢步伐, 真正用心feel, and to live in the city. 先可以切身體驗到一個城市到底係點樣樣。
男主角既未婚妻正是飾演著一般既"俗物", 黎shopping, 去曬必到既旅遊景點, 欣賞名畫自以為充滿學識及修養, 實情就係根本唔識去用心感受每一個唔同既地方。
最後男主角終於醒覺到底自己係想要D咩生活, 亦好高興戲中既佢真心地appreciate this city.
到片尾佢亦如願以償, 找到一個法國女仔同自己雨中漫步啦。
睇完整套電影有一種心靈上既滿足, 就好似發左一場好美妙既夢咁。
唯一不認同既就係"Paris is beautiful in the rain". 個人比較喜歡天晴的巴黎:)
但每每想起巴黎, 都會有一種濕漉漉, 哀傷的感覺...我想要是真心喜歡, 便要學憧欣賞它各種的風情, 美態which they all amused me!!
