My first e-book!

都有左E-book咁耐...今時今日先首嘗e-book既樂趣!

amazon出既kindle, 以及各種閱讀電子書既儀器都未用過, 但自從屋企有部ipad後, 就可以試用佢既ibook function啦!

以前會羨慕同學仔番學拎住咁大個mon睇notes/ magazine.

仲可以用手指督一督, 頁面即刻翻去下一頁, 認真過癮!

為免令屋企既ipad變成只限遊戲消閑既工具, 我決定提高佢既生產力-勁裝keynote pages 既apps;

仲有就係dl e-book同埋雜誌啦!

一搵就搵左我想睇好耐既blue ocean strategy.

雖然都出左好耐, 但page one成2百幾蚊細細本真係買唔落手:(

點知一上網就搵到, 即刻裝落去閱讀一下! 內容吸引唔再講, 大大部放上手睇都好方便...只係無e-ink一定會睇到隻眼好快疲累...

可惜既係一星期只番屋企一次, 幾日再睇唔到e本書啦...

之後一定要試下閱讀magazine!

Corporate Social Responsibility & Public Relation

近年企業紛紛都搞起「企業責任」、「良心企業」等。

無他既，時下消費者唔同以前，除左睇你公司既產品或服務外，家下都要加埋到底公司有無「良心」。

經典例子就有上年既大家樂事件。

美其名「加薪」，實質「減薪」既事鬧得滿城風雨，被一眾網民大斥剝削員工，欠缺社會責任等。大家都起勢大搞「罷食」，實行網民人肉監察大家樂有否為此事道歉或採取紓緩方案。

事件嚇得大家樂急急腳搵公關公司做顧問，實行形象自救，亦公開澄清事件，可見企業形象一旦受到負面影響，係有幾咁大件事。

前幾天日本福島發生大地震及海嘯，報紙每天緊貼報道事件，亦喚起大眾市民對災民的同情及憐憫之心。

星巴克公關部亦就著此次災難，發起「香港星巴克咖啡支持日本地震救援」活動，市民於三月十八日，三至五時到星巴克買咖啡，就會全數撥捐到救災用途。

市民去買咖啡又可做善事，兩小時的營業額捐款亦可為星巴克嬴來正面，有企業責任，有良心等的形象，這種品牌形象宣傳簡直是能達到互惠互利的情況。

星巴克一直注重企業形象，而其形象在大部份顧客都是極其正面的－關心社會，第三世界農民等。就如一直提倡的「公平貿易咖啡豆」－Fair Trade Coffee Beans。

嘩聽落去肯定對農民好公平，但實際有人踢爆都係俾６％錢農民就拎人Ｄ豆走，不過我諗都無咩人會知。

只能說，星巴克公司於營造其企業形象上實是太強，懂得利用時事，社會問題來推高其品牌價值。而Corporate Social Responsibility (CSR)亦是其品牌核心理念Core Competence之一。